كيف أجيب على سؤال طفلي ماما أنا رح أموت ؟

يستعرض هذا الفيديو كيف أجيب على سؤال طفلي ماما أنا رح أموت ؟ مع الأخصائية هناء أبو عطية

بهاد السؤال الطفل ما بيكون عم يدوّر على إجابة قد ما بيكون عم يدوّر على الشعور بالأمان.  نصيحتي بهاي الحالة هي تأكيد مشاعر الخوف عند الطفل وتفهّمها والابتعاد عن المنطق لأنو أصلا دماغنا المفكّر أو المنطقي بيتعطّل بحالة الخوف أو تأجج الجهاز العصبي. بقدر أحكيله “بعرف ماما إنّك خايف حاسة فيك، نحنا هلأ مع بعض تعال اقعد بحضني وخلينا ندعي” بهاد الجواب بكون عم بهدّي مشاعر طفلي وعم بحاول أرجعه للحظة الحالية بدل من القلق من اللحظة القادمة وبنفس الوقت عم بزرع فيه الأمل عن طريق الدعاء.

مع شباك أمل نسعى لفتح شبابيك من الأمل أمام جيل من الأطفال المتضررين من الحرب ومقدمي الرعاية من حولهم من عائلات ومقدمي برامج الدعم كي يستطيعوا التغلب على صدمتهم ومشاعر الخوف والرعب التي عاشوها ويتمكنوا من التطور والنمو بأفضل إمكاناتهم.

تابعوا المزيد من المحتوى على
https://www.amal.ps

شاركونا أفكاركم ورأيكم على البريد الإلكتروني
editor@habaybna.net