ماذا نفعل عندما يشعر الطفل بالقلق والخوف، هل تفيد كلمة لا تبكي وما هي البدائل

يستعرض هذا الفيديو ماذا نفعل عندما يشعر الطفل بالقلق والخوف، هل تفيد كلمة لا تبكي وما هي البدائل مع الأخصائية هناء أبو عطية

لما الطفل يحس بخوف وقلق هاد دليل على تأجج جهازه العصبي، يعني بيكون الجهاز العصبي للطفل بوضع غير مستقر. واستخدام عبارات متل “ما تخاف” أو “ما تبكي” بتخلي الطفل يحس بالخوف أكتر لأنوب يحس إنو في شي غلط عم يصير معه. الطفل كمان ما بيكون عنده وسائل تكيّف تساعده على تهدئة جهازه العصبي. فدورنا هون بيجي إنو نطمنه ونأكّد إنو هاي المشاعر طبيعية ومتوقّعة. الي بيحتاجه منا الطفل بهاي الحالة عبارات زي “معك حق الوضع بيخوّف” أو “أنا جنبك” أو ” شو بقدر أعمل لأساعدك تتخلّص من هالخوف”

هاي الجمل ما رح تزيل شعور الخوف تماما بس بتعطي شعور للطفل بالطمأنينة إنو هو مش لحاله بهاد الموقف أو هاي المشاعر وبتساعده يعبّر عن مشاره بدل ما يكبتها أو يهرب منها.

مع شباك أمل نسعى لفتح شبابيك من الأمل أمام جيل من الأطفال المتضررين من الحرب ومقدمي الرعاية من حولهم من عائلات ومقدمي برامج الدعم كي يستطيعوا التغلب على صدمتهم ومشاعر الخوف والرعب التي عاشوها ويتمكنوا من التطور والنمو بأفضل إمكاناتهم.

تابعوا المزيد من المحتوى على
https://www.amal.ps

شاركونا أفكاركم ورأيكم على البريد الإلكتروني
editor@habaybna.net